На пасхалната среда, која оваа година се совпадна со празникот на Св. апостол и евангелист Марко, Неговото Високопреосвештенство, Митрополитот крушевски и демирхисарски г. Јован му сослужуваше на Епископот делчевски и каменички г. Марко, кој на денот на Св. апостол и евангелист Марко го прославува својот именден, а во храмот „Успение на Пресвета Богородица“. Му сослужуваа и Митрополитот брегалнички г. Иларион, Епископот дељадровско-илинденски г. Јоаким, Епископот дремвитски г. Давид и Епископот стобиски г. Јаков. Замолен од домаќинот да беседи по прочитаната евангелска перикопа, Митрополитот Јован ја произнесе долупоместената беседа.
